تسأليني يمه ليه الصفار امتلك وجهي ولوني
ويا يبه وفر نصايحك لو دقيقه
لا تقولوا ليه السواد متهني بجفوني .!
ولا تسألوا ليه في بحور الهواجيس غريقه
لا تسألوني ما عندي جواب لا تسألوني
الي اعرفه بس صرت هالزمن مااطيقه
يمه وقفي بحثك عن لمعة الفرح في عيوني
المشكله لا صار في وسط قلبك حريقه
يمه يبه تكفون عن الجواب اعذروني
لا ماني مرهفه حس ولا المشاعر رقيقه
ولاني العب بالاحاسيس بجنوني
وادري الفرح جاي بس فيه شي يعيقه ..!
يمه يبه مافيني شي صدقوني
كل السالفه [بنتكم] تحب واحد يسوا كل الخليقه
افداه بروحي وقلبي وعقلي وكوني
واليا منه زعل بس الدموع في عيني تجمع وتسبب الف ضيقه
يمه يبه ..اذا كنتوا تبوني..!
ابعدوا الحزن والزعل عن طريقه
يمه يبه تكفون اعذروني
احبه بس هذي كل الحقيقه
قدروا حالتي تكفون افهموني
كل السالفه احبه واخترت امشي بطريقه