اب ينصح بنته يوم زواجها..........

لاتحسبين العرس توفي وكتكات
ولا تحسبينه تويكس وإلا بونتي
ولاتحسبين العرس كيكه وطرطات
وصله قطعتيها وصله بلعتي
ولا تحسبين العرس تصفيق وأصوات
أنت على صوت الغطاريف همتي
ولاتحسبين العرس كوشه ولمبات
وأنت كما الطاووس فيها جلستي
ولاتحسبين العرس أحلام في الشات
يـامــا بنيتيــها ويـامــا هدمتــي
ولا تحسبين العرس روحه وجيات
هيا إقضبي بيتك عسى مانهبلتي
ليله سعيده وأنت أحلى الجميلات
تشخص عيون الناس إذا حضرتي
(واللاينر)حطيه بلا زيادات
لا يخـرب الماكيـــاج إذا دمعـتي
(والمسكره)تحتاج لطف ومدارت
حـتى يبـان أزيـن إذا غمضـتـي
(والأسبريه)رشيه حتى البصيلات
ينسك شعرك زين ولو كان زدتي
وترى(المحدد)فن يحتاج رسمات
يبان رسمه زين إذا ابتسمتي
العرس يابنيه ماهو شعارات
تفنى مراسيمه وتبقين أنتــي
ويبقى شريك العمر راعي الطويلات
هذاهو العرس الحقيقي عرفتي؟
أول نصيحه لك حفظ الصلوات
صلي العشاء والفجر في كل وقتي
وفي ليلة العرس الموفق وبالذات
أدعـــــي الكريم الّلًّهَ إذا سجدتي
والتعري لاترضين عند الكوفيرات
ولبسك يملـي العـين إذا لبسـتي
واللي على زوجك تحرضك مرات
أرجــوك شوتيــها شوتـــة بلنـتـي
والصبر في العشره حتى على فتات
يـامـا حـلا فعلتك يومـك صبرتـي
وإذا حــفضت الـسر مـع المدارات
زوجــك ترى في عيونه أنت كـــبرتي
والــسوق يعني هـاه وقت الـضرورات
وإلاترى زوجـك يــــدور لــمفــتــي
زيــدي الغطاء وكــثري فــي الــعباءات
والله يـــرضي عنــك إذا ســـترتي
أوصـــيك بالكبسه وكـــثر الإيــدامــات
حتـــى لــو انـــك مــن ســـببها متنتـي
وخلي الرجيم اللي فــشلت فــيه مــرات
ســويه مره واحده لا ولـــدتــــي
أوراق ورديــه ترســـل أزكــي التحيـــات
خــــصيها بالــــدعوة إذادعـــــوتي

يسلموووووووووووو

اكتر من رائع

ننتظر جديدك

بجد رووووووووووووووووووووووووووووووعه ياهات ويعطيتس العافيه

تسلم أيدك ع الموضووع.مسكين بابا حقها الله يخليه لها ويخليها لبووها