امانتك .... لا ضقت مني...تكلم..

يـا قلـب مـا مـرك حبيبـك و كـلـم؟
أول بخل بالشوف .. و الحين بالصـوت!!



فرصتـك يـا قلبـي .. تعيـش و تعلٌـم
ان الهوى و العشـق .. نـزوة و بتمـوت


أجمـع سنيـنـك للـفـراق .. و تـولٌـم
و أضحك عليها .. كـل مافاتـك الفـوت



يا سيـدي .. و الليـل غطـا .. و ظلٌـم
و أنا صحيت .. و في يدي سبعة كـروت



كتبتهـا لـك .. يــوم كـنـت اتحـلٌـم
في شوفتك .. و الشوق مرمـر و ياقـوت

عليك .. صبـري بيـن الأضـلاع علٌـم
و عليك .. شوقي داخـل القلـب مكبـوت


و انـا الوحيـد .. اللـي بقربـك تـألٌـم
تعطيني السكين .. و اعطيك انـا التـوت


أكلمـك .. و العـذر ( غالـي و سـلٌـم )
و الا الصراحه جد .. ( مشتاق لك موت )




أمانتـك .. لا ضقـت مـنـي .. تكـلٌـم
و انا اوعدك .. ما عاد أسمعٌك هالصوت