اختبر مستوى رجتك والله فله.............!!

اليووم جبت لكم موضوع وربي

فللللللللللللللللله يجنن



وهو....................

((( اختبر مستوى رجتك))))))





هل أنت مرجوج ؟

وإذا كنت كذالك .. ماهو مستوى رجتك ؟

ومالعلاج ؟

للإجابة على هذه الأسئلة ماعليك

سوى اجراء هذا الاختبار النفسي .. <<<<صدق


السؤال الأول :

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .

2- توخر النملة عن وجهك و تنتفها وانت تسبها وتشتمها .

3 - تخلي النملة تدخل خشمك .






السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياااض .. حب ورثته من الجدوووود هع هااااااااااااااااااي والله تسحيبة يمة .



2- تجي بشويش من ورى أمك وهي سرحااانة وتصرخ في أذنها وتقول : مساااااتس الله بالخير .. وطبعاً هي بتنفجع وبتقول وجع الله يمسيك بعصا إن شاء الله .


3- تطلع غرفتك وماتسوي شيء





السؤال الثالث :

انت توك مقيل وماخذ لك قيلولة(تصفيره) على كيف كيفك ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :


1- تجي يعنني تكنس وتغطي عليهم التليفزيون <<< أحلى يانظيف


2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف مادريت

3-تقعد تتفرج معهم.



السؤال الرابع والأخير :
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :

1- تنسم كفراته الأربعة .


2- تسلم عليه وتلزم عليه يعزمك على العشاء .


3- تشتري له تويكس معك





النتيجة : ـــــــــ

أعط نفشك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة

ــــــــــــــــــــــــ
اذا كان مجمع اجاباتك
9 - 12 :

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .


واذا كان مجموعك
5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .


اما اذا كان مجموعك
4 - 5

يا أخي انت منتب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.

الحل : كورس رجة مكثف عند أعلام الرجة في المنتدى .


يله عاد كل واحد يقول لنا وش طلع له وهو من اي المرااااجيج ؟؟

يسلموووو وصراااحه انا طلعت لي مجموعت ارقامي 6 يعني بين 5-8


والله يستر الرجه لاتتطور وتصير هبال رسمي الله يستر بس


مع الف شكر لكي اختي اهات ع المواضيع الجميله مثلك ولاعدمناك والله لا يحرمنا منك ولا من مشاركاتك الحلوووه



وتقبلو مروري مع خالص شكري وتقديري

هاااااااااااااااي

بكل صراااااااااااااااااااااااحه طلع لي 9_12 يعني في قمه الارتجاج بس اعلمتس فيني نذاله لاصارت ولا استوت بس اعجبتس هههههههههههههههههههههههههههههههههههههههههه تحياتي لتس وكثري من ابداعتس لانه بجد تعجبني اللي زي كذا تقبلي مرووووووووووووووووووووووووووووووري

قلبتها يمين شمال فوق تحت طلع مجموع اجاباتي تسعه نقاط يااااااااااااااااااااشباب تتوقعون اني مرجوج بسم الله الرحمن الرحيم


بعد أن قرأت موضوع أختي العزيز ةالشاطره تذكرت هذه القصيدة فحبيت أن انقلها لكم ...

هذه القصيده قائلها هو الشاعر بندر بن سرور

وقصتها : انه كان مطلوب في قضيه امنية .. فذهب الي شيخ قبيلتهم تركي بن حميد طالبا الحماية

ولما طرق الباب كان متوتراَ فرأته ابنة الشيخ بهذه الحال ...

فسألها اباها عن الذي يطرق الباب

فقالت : واحد مرجوج

فسمعها الشاعر بندر بن سرور فقال هذه القصيده

ياسخيف الذرعان ماني بمرجــــوج =رجتــــــني الدنيا بغدر وحيلـــــه
والله لولا اللي على تاسع الفــوج = تركت نجــــد وعزوتي والقبيـــــله
لا شك حاديني على نجد هـــيدوج = مسقى الفيافي لين يدرج مسيله
تركي لي من البلاوي غدن عـــوج =حملــه عتيبه كلها ماتشيلــــــــه
يرسى كما ترسي البواخر على الموج= ومنين ماهب الهواء يرتكيلــــــه
مادام تركي حي مـــــــاودي ادوج =وان غاب غبت من الرجوم الطويله

فلما وصلت القصيده الي شيخهم
استدعاه وارسله الي الامارات
وعاش بها بقية حياته بها ..

مشاركة رااائعة
جزاك البارئ الجنة
اميرة موضوع جميل وساخر ويعجبني تنوع مواضيعك والى الامام واسف جدا على الاطاله