ليش تقولها ؟؟؟ وايش معناها!!!

تعودنا من واحنا صغار نقول عبارات لكن مانعرف معناها ولا ندري من فين جات كل اللي نعرفه انو هي تنقال في مناسبات معينه احنا عارفينها ما ندري هل هي امثال او حكم.. بس انا في اعتقدادي الشخصي انها لا امثال ولا حكم ما ادري تصدقون انو من زمان نفسي اعرف حقيقة هذي الكلمات وهذي الجمل ومن فين جات دورت كثير بس ههههههه مالقيت لها جواب سألت امي بحكم امي وثقافتها وطريقة تفكيرها منطقيه ودائما تعطيني اجوبه منطقية مقنعه كان ودي تشبع شغفي وتجاوبني لكن هذي المرة ما قدرت سمعني اخوي وجلس يترييق علي "هم قالوها كذا خلاص مالك شغل ياحبك للتعب ما مدانا خلصنا دراسه وفلسفة اساتذه جيتينا انتي "وطلع مع انو

هو اللي تلقف انا ما سألته لأني عارفه انو ماعندو سالفه…

قبل ما احط العبارات ابغى منكم اطلب وارجو انكم تنفذونه

ما ابغى منكم تردون بعبارات الشكر >>>قولوها بس بعدين بعد ماتعلقوا..

ابغى تفكرون وتتأملون العبارات وتجاوبوني بصدق عمركم فكرتوا في اصل هذي العبارات ..برأيكم ايش حكايتها ..هل هي حكم ؟؟!! امثال؟؟!!ايش هي بالضبط؟؟

ادري اني طولت وكثرت كلام بس خلاص هاااانت..

خذو العبارات ..


،،،

1-من سابع المستحيلات… عبارة نقولها اذا في شغله مستحيل نسويها فنقولها

صح؟!طيب ليش مانقول من ثامن ..تاسع ..اي رقم ليش سبعة ايش هي المستحيلات السته اللي قبلها فكرت كثير ..... لا جواب شاافي ..غير انو الاعجاز "امي حاولت تقنعني فيه" (انتو عارفين الاعجاز اللي فرقم سبعة)..



،،،



2- ..في ستين داهية او سته وستين دااهية.. عبارة نقولها لما في احد مو راضي يسمع كلامنا ويبغى ينفذ اللي فراسو فنقولو روح في ستين داهية ...ليش ستين ليش مو خمسين.. ثلاث وستين .. أي رقم ليش يا ستين يا سته وستين .... ليش ؟؟؟!!!.....لا جواب من فين جات مين اول من قالها ؟؟




،،،



3-في المشمش....عبارة >>>دايم الرجال او الشباب يقولونها فعقلهم لما بنات حوا يطلبوهم ههههه

نقول هذي العبارة لما شخص نحبو ونبغى نسكتو نقوله" حاضر ابشر "وفي عقلنا ههههه في المشمش...

ليش المشمش ليش مو الخوخ ..التفاح؟؟ أي فاكهة ليش التحديد؟!!...

^^^^^

شباب لا حد يزعل من هذي النقطة



،،،



4-لين حجة البقر على قرونها .. ههههههههههه( يضحك) هذي نقولها لشخص اذا طلب مننا عن وقت روحه او وقت سفر"متى نروح ؟ "او " متى نسافر؟ " اغلب الاهل يقولونها لأولادهم خااااصة كبار السن معناتها مافي روحة ولا سفر ..مو شرط في السفر لا هي تنقال في الوقت ..هههههههههههه متى تحج البقر على قرونها وليش البقر ؟؟؟؟!! ليش مو الغزال..؟ الخروف ؟؟ تخيلو لين حجة الغزالة على قرونها ..!!!ههههههه

كماان لاجواب..


غريبه صح..؟!

اتحدى انكم ما سألتو نفسكم وقلتو" صح ليش" ؟؟

حاوروني اقنعوني اللي عندو معلومه لايبخل علينا ..وخاصة ..علي انا ..>>>

من زماااان وانا افكر فيها ... دورت في النت ياشاطرين ومالقيت..>>>عارفه الاخت انكم بتقولون

دوري بقوقل هههههه .

اتمنى انكم تتجاوبون لا تطنشون

يا اهات لو الوحد بيفكر مارح يجيب شي مقنع عشان يفهمنا هالاشياء


ولكن احنا نقووول وبس وعلى الله



ولكي من خالص الشكر والتقدير ةتقبلي مروري