قصيدة للشاعر : سعيد بن مقبل
يصف فيها عينة من شباب اليوم ....
============
============
يا كثر الاصحاب يوم اللعب والدشره
****************************** يوم الملاهـي تـدوّر مـن يلهيهـا
من اول شقتـي بالنـاس محتشـره
****************************** يوم العزوبية الـي كنـت مغليهـا
واليوم لا عاد لا خـوه ولا عشـره
****************************** الله ولا رفـقـة هــذي تواليـهـا
ناس مع المصلحه عشره على عشره
****************************** وان حدك الوقت حدة لـك جنابيهـا
اللي حياته مع البيلـوت والنشـره
****************************** واللي يحب الدشوش ولاهـيٍ فيهـا
واللي على الخط دايم فاغر الكشـره
****************************** سمّاعته طـول ليلـه مـا يوطّيهـا
واللي مزاجه مع القصات والبشـره
****************************** ماله هدف والنصايـح مـا يدانيهـا
واللي مع الناس لا يفقه ولا يشـره
****************************** شقراً مع الخيل لا هجّـت تباريهـا
ذي عيّنه في شباب اليوم منتشـره
****************************** عسىالذي جابها من الارض يمحيها
اهل المصالح معرّفتهم كما القشـره
****************************** لا نظّف الراس بالصابـون ينهيهـا
هـذا كـلامٍ علينـا واجـبٍ نشـره
****************************** وما تحرق الجمره الا رجل واطيهـا
موضوع: شباب اليوم < الدشره والسربته 
19th يناير 2009, 7:20 pm
