اذا المراجل لبسة شماغ وعقال ...

بصراحه مادعاني اكتب الموضوع يشعرني بالخجل لحال
بعض الشباب .....قبل يومين كنت اسمع شريط للشيخ
يوسف الصالح خلاصة موضوعه انه يقول شاف له شاب
على كورنيش الخبر لابس ( تنـــــــــوره طويله وبلوزه يقول
الشيخ يوسف يقول صاحبي تشوف هذا الشاب هذي
حالته معروف بالكورنيش دايم بهذا اللبس يقول ماقدرت
اتمالك نفسي ورحت ومسكته .....وقلت له وش هذا ياخوي
يقول رد علي بكل برود ( حــــــــــــريه شخــــــصيه )
القصه موجوده كامله في شريط يوسف الصالح - شباب
رايح وين - شريط رائع لايفوتكم
والحين الموضه الجديده عندهم تطــــــــــويل الشعر لاحظته
بكثره ماتقدر تميز اذا بنت اوشاب (الله المستعان)


اتركم مع القصيده





إذا الـمـراجـل لـبـسـة شـمــاغ وعـقــال
قــــل لـلــعــذارى يـلـبـســنّ الـعـمـايــم
مـا عــاد يـفـرق زول حـرمـه ورجــال
دام الفـعـايـل تـشـبــه الـبـعــض دايــــم
المرجـلـه مـــا هـيــب كـلـمـه وتـنـقـال
وتــروح مــا راحــت هـبـوب النسـايـم
وإلا خشونـة صـوت أو رفــع الأثـقـال
و رزة صـــــدور وفــعـــل الـــزلايـــم
ولا هــي بـعـد مفـتـاح مـوتـر وجــوال
وإلا ردى لـسـانــن حـديــثــه شـتــايــم
المرجـلـه شيـمـه عــن القـيـل والـقــال
رفـيـع نـفـس (ن ) حــر بالـجـو حـايـم
المـرجـلـه عـقــلٍ وزن وزنـــه جـبــال
ودون الـعـقـل وش فـرقـنــا والـبـهـايـم
يـا معـرب الجديـن مــن الـعـم والـخـال
يــا نـخـوة الـمـفـزوع وقـــت الـهـزايـم
المرجلـه يـا خـوي هــي طـولـة الـبـال
هــي الـعـزم هــي الـصـبـر فالـظـلايـم
فـيـهـا الـكــرم عـــزه دلــــه وفـنـجــال
فيهـا الكرامـه عـن ردى الطـبـع شـايـم
والـديـن لامـنـه خـــذا الـقـلـب مـنــزال
مـشـى طـريـق الـحـق وابـلـيـس نـايــم
ومـن لا عـرف ربـه فـي طيـب الحـال
لابـــد وقـــت الـضـيـق بـالـهـم هــايــم
حتـى صلاتـك مـع جمـاعـات ورجــال
فــي خيـرهـا يــا خــوي نـعـم الغـنـايـم
ولامـن نصـف ليلـك قـم صـفـي الـبـال
يــا عـظـم أجــرك بـيـن سـاجـد وقـايـم
ولا مـن رفـع ربـي لــه كــل الأعـمـال
حـسـن الـذكـر لا قـالـو فـــلان صـايــم
وخلـك شريـف القصـد يـا طيـب الفـال
ســـوء المـقـاصـد فـالـبـيـوت الـهـدايــم
واحـذر تبيـع النفـس فـي درب الانـذال
وتـتـبـع خـــوي إبـلـيـس راع النـمـايـم
النـفـس خـيــل لـــك إذا كـنــت خـيّــال
ومــن لا قــوى نفـسـه قـوتــه الـهـزايـم
ولا صرت ما تدري لو يش أنت رجال
والله خـســارة فــيــك ذبــــح الـتـمـايـم

يؤؤؤؤؤؤؤؤؤ تنوره وبلوزه الله لا يبلانا بس


الحمدلله الذي عافانا


والف شكر لك اخوي يمكن احب ((بس فيه ملاحظه بسيطه ياليتك بس تقوم بالتسجل عشان تبقى مواضيعك محفوظه))

وتقبلو خالص الشكر والتقدير