بسم الله الرحمن الرحيم
السلام عليكم ورحمة الله وبركاته
ابيات شعريه اتمنا انها تنال اعجابك__________
حامض ياعنب
البدع
ماعاد ينفع علاج لحبنا التالف .......... راح انتهي وانت ماتستاهل اللفته
حمد بن فطيس
الرد
اضن والله اعلم صاحبك ذالف .......... وايست من رجعته عودت ذلفته
___________
وعندك واحد مقبض وصلحوه
البدع
وجيت وكن بلساني مقابض خوف ماتقضي .......... ورحت وكن بعيوني رياح الزن تجتاحني
محمد العسيري
الرد
مقابض خوف يامحمد بسيطه بس من تفضي .......... ابي مقبض لباب المكتب ان ضيعت مفتاحي
___________
انتبهو من الدرايش
البدع
من تحت شباكك بودي اسئلك .......... ياغلى من اغليته غلاك اش فادني
سعد بن علوش
الرد
افرض احد شك فيك او قابلك .......... مثل مره جا عريف وصادني
___________
الشوق مايكفي
البدع
اريد اجيك وبشوفك اريد امحي حبيبي ذنوب .......... لعل الله يكتب لي مشاهد وجهك الطاهر
عفرا
الرد
وجيبي له ساعه معك وغرشة عطر مع دبدوب .......... وكم ورده وبالمره شريط لكاضم الساهر
___________
خلك مع ابونوره
البدع
من زمان وقصة المعنى حزينه .......... والاوادم عذرها تبغى طرب
فالح العجلان
الرد
الطرب يافالح مطين بطينه .......... طنشه واسمع لفنان العرب
___________
جت فيك يافاضل
البدع
الرجال افعال والحكمه صفاوه .......... والوجوه حراب ميزان المروه
فاضل الوسواس
الرد
قافيه حلوه ووزن اخر حلاوه .......... بس هالمعنى بربك ويش هوه ؟؟!!
___________
الرقم الذي طلبتوه
البدع
علمها وانا كم لي ماشلت جوالي .......... كله على شان ماقّلب رسايلها
فهد المساعد
الرد
اكيد مفصول جوالك مثل حالي .......... حتى الرسايل من الهاتف مقفلها
__________
حركات شعراء
البدع
وهقتني هالمسافه مع ظروفي .......... لعنبوها صدق ماصارت مسافة
ناصر سيف الكعبي
الرد
ماقدر اوصلك واطنش ضيوفي ..........شوف لك تكسي ولو فيها كلافة
_________
هو الخسران
البدع
هذي هي اللي مالها عندنا طب .......... لاصار من حبيت قلبي لعبه
بنت ابوها
الردي
يابنت ابوها من يسوي كذا دب .......... الله بجاه الله يحطه بدبه
__________________________________________________ __________________________________________________ _________________________________________
لعل الحيا يسقيك ياديرة الخـــــــــــلان ...... غلا الدار عندي من غلا واحد فاقـــه
يحببك بالديره الى اغليت حب انسان ...... وكم انسان ترخص باقي العمر لفراقه