كانت ثيابك دووووم تستر خوافيك!!!

قالوا الوداع وقلت صبري يخاويــك

ماهو انا من يبكي لحظة غيابــــك

كان الدموع تفيض لحظة تجافيــك

اكره دموع طاوعت درب بابـــــــــك

قلت الوداع وتحسب القلب يبغيــك

ماتدري قلبي غير دروب بابــــــــتك

احساس روحي لو تعيشه يبكيـــك

احساس شاعرغارق في سرابــك

كان الجروح تطيب بلمسة اياديـــك

مبغى يدينك لو حرقني صوابـــــــك

مغرور دايم في علاك وتعليــــــــــك

شمس المشاعر اختفت في جنابك

مليت من شوفة عيونك وطاريـــــك

ماعاد ابي قربك وقسوة عذابـــــك

عفت المحبة والسبب هو تعاليــــك

تحسب مصيري مرتبط في جنابــك

ياليت ربي في هوى الغير يبليــــك

وتذوق همي في بقايا شبابـــــــك

كانت ثيابك دوم تستر خوافيــــــــك

لكن كشفتك يوم قصرت ثيابـــــــتك

قلب رفعك بيوم يقدر يوطيــــــــــــك

مغرور عشق وكابر الرأس جابـــك

بحبر يديني تطوي اوراق ماضيــــك

وتكتب موادع في نهاية كتابـــــــــك

تبغى الوداع ارحل وسابق خطاويك

يمكن حياتي تبتدي في ذهابــــــك