يا يمّـه .. انا جيتك وطالب منك الغفران

قصيدة تجسد معاناة الابن عند تقصيره في حق أمه...
هذه القصيدة قرأتها وأعجبتني وأبكتني
مع أنها قد تكون قديمة إلا أن روعتها في معانيها..

يا يمّـه .. انا جيتك وطالب منك الغفران

أقبـّـل ايدك و أقدامك واغسلها بدمعاتي

يا يمّـه .. كل مافيني يناديلك أنا ندمان

طلبتك؟.. قولي سامحتك وردي لوجهي بسماتي

أنا أدري بطيب قلبك كسرته بصدمة النكران

غلطت .. وغلـطتي هذي تـعـير كـل غـلطاتي

تشوفي الشيب يا يمّـه!! ترى ماجا وأنا فرحان

وربي إللي رفـع ذاتك ونزّل للـردى ذاتـي

فقدت الراحة من بعدك .. فقدت الطيبه والحنان

بدونك ..راحتي غاية بـدينك هـذي راحـاتي

أنا بعدك ولا حاجة أنا بعدك ترى عميان

أشـوف .. ولا أشوف إللي يوريني مساواتي

أنا وسيد الشّـقى والهم من بعدك غدينا أخوان

يجيب هموم هالعالم .. ويـرميها بمـتاهـاتي

صدقتي .. يوم قلتيلي تدين اليوم بس تدان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان

سواتٍ فيك سويته وسوّوا فيني سـواتي

يا يمّـه .. ضمـيني ودفيني بهالأحضـان

أنا أدري فيك مشتاقه .. وهمك بس ملاقاتي

يا يمّـه حييييل ضميني أبي أرتاح أنا تعبان

تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّــه) بصوتك وأبذكر فيها نشواتي

أشوفك ساكته يمّـه ؟!!.. غفيتي ولا أنا غلطان؟

غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار أنا تلفان

أنا أمّي مدري وش فيها أنا مدري أنا أحاتي

شنو ؟؟ أمّي أنا ماتت !!! لا لا.. لا ترى غلطان!!!

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟

إذا متي أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان

أنا جت يمك وأنا ناوي أببدي فيك جناتي

أنا الجاني .. وأنا المجني .. وأنا المخطي .. وأنا الندمان

وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران

تركتـيني عـلى ناري أعـدد فيـك زلاتـي

ولاني مرضيٍ ربي .. ولاني تابع الشيطان

أنا بعدك ترى مابين نهاياتي وبداياتي

نسأل الله أن يرزقنا البر بوالدينا ويجزيهم عنا بجنات النعيم

اللهم امين الله يعطيك العافية الأنكوندا

صراحة انتا دايما تفاجئني بأبداعك الي يزيد كل يوم

عدد الرسائل : 40 نقاط : 0 تاريخ التسجيل : 01/07/2008

الله يعيك العافية على الابداع واصل ابداعك