ياعمري الدنيا ماتسوى تنام وخاطرك زعـلان
ولابه شي يستاهل يخلي قلبك يعانــــــــــي
طلبتك كان لي خاطر تبعد عنك الأحــــــــــزان
فديت أعيونك الحلوه تبسم لو على شانــــــي
حبيبي صار لي مدة أشوفك تايه وحيـــــــــران
وانا والله لا شفتك حزين تزود أحزانــــــــــــــي
أنا احبك ولا ودي تعيش بدنيتك ندمـــــــــــــــان
ترى ألأيام محسوبة وتالي هالعمر فانــــــــــي
تصدق بسمتك والله تفرح خاطري الولهــــــــان
يطير من الفرح قلبي واصير بعالم ثانـــــــــــــي
والى من شفتك بضيقة أحس اني انا الغلطــان
أعاتب نفسي بنفسي ولو ما كنت أنا الجانـــي
غلاك بداخل أعروقي ولا يوصل غلاك انســــــان
يمر الوقت ويثبت لك غلاك ان الله أحيانــــــــــي
أضحي بعمري لعيونك...تنام انته وانا سهــــران
وانادي جروحك لقلبي تجي واحد ورى الثانـــي