ابي ابكي وبعزف للهموم الحااااااااااااااااااااان

السلام عليكم ورحمة اللة وبركاتة
هذي القصيدة قريبة للقلب اقروها وردوا لي خبر
============================
أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني
===============================
ان شاء اللة تعجبكم

يسلمو ع القصيده الذوق

وبصرررحه قصيده جدا حلووه واحلى مافي القصاايد الحزن


وتقبلي مرووري مع خااالص شكري وتقيري

يسلمو فديتك