انا من كثر ما احبك.........؟؟

انـا لاقلـت لـي شلونـك وانـا ضـايـق اقــول بخـيـر
مـدامـك سـائـلٍ عـنـي اكـيـد ان ضيـقـتـي راحـــت

انـا مـن كثـر ماحبـك اشـوفـك فــي عيـونـي غـيـر
تضيق النفـس مـن غيـرك ولامـن شفتـك ارتاحـت

احبـك كـثـر .. ماتـطـري فبـالـي وتشـغـل التفكـيـر
كـثـر .. ماشيـلـك بعيـنـي ونـــاسٍ مـنـهـا طـاحــت

احبـك كثـر .. مـا ادمـح خطـاك ان خـانـك التعبـيـر
كثـر .. ماخانـت الرفـقـه بكـتـم اسـرارهـا وبـاحـت

احـبـك كـثـر .. صـقـارٍ تـولـع فـــي مـحـبـة طـيــر
كـثـر .. مـادلــة الـطـيّـب بـريـحـة هيـلـهـا فـاحــت

احبـك كثـر .. ماحـس بشعـور انــي علـيـك اغـيـر
كثـر .. مازيـح هالغيـره عـن افكـاري ولا انزاحـت

احبـك كثـر .. مالـك داخـلـي حــب وغــلا وتقـديـر
كثر .. ماغبت عن عيني ودموع امفارقـك ساحـت

تصدق !! من عرفتك صرت احبك .. واكره التغيير
وانـا اللـي كنـت اعشـق كـل نجمـه بالسمـا لاحــت

تـأكـد كــل ماتسـئـل عــن حـوالـي اكـــون بـخـيـر
مـدامـك سـائـلٍ عـنـي اكـيـد ان ضيـقـتـي راحـــت