ياليت الزمن يرجع ورى والليالي تدور...

ياليت ان الزمان يرجع ورى والليالي تدور..
ويرجع وقتنا الأول ننعم في بساطتنا..

زمان اول احس انه زمان صادق فيه شعور..
نحب ونخلص النية وتجمعنا محبتنا..

زمان مافيه لاغيبة ولاحتى خيانة ونفاق وزور
ياليته بس يرجع ونسترتجع طفولتـــــنا

صغار وقلوبنا بيضاء..ونعيش بعالم محضور

ولانعرف ابد اغراب ما غير عيال حارتنا
صحيح صغار بالتفكير ولكن ما علينا قصور

نخطط نكسر اللعبة وتسعدنا شقاوتنا..
نروح للمدرسة بدري ونضحك داخل الطابور

نحاول نزعج العالم بروحتنا وجيتنا..
وعشان نأخر الحصة نخبي علبة الطبشور..

نشاغب بس بالأخر تميزنا براءتنا
نحب الضحك والهيصة
نحب انط فوق السور..

نفرفش ليه ما نفرفش ما دام الضحك عادتنا
ولكن دارت الأيام وبان الخافي المستور

وصار الهم متعلي على قمة سعادتنا
كبرنا وصارت الدنيا تصف احزاننا بالدور..

وتهدينا الالم والهم غصب عن عين رغبتنا
تعبنا من بلاوينا احد ضايق واحد مقهور..

وكلن غارق بهمه وفي الآخر تشتتنا
وانا ماقول غير الاياليت ان الزمان يدور..

ويرجع للورى فترة نعدل وضع عيشتنا..

يسلموو يالغلا كله ع المرور الرائع

نورت الصفحه عبادي

الله رجعتنا بالكلمات الجميله الى ماضي جميل فنحن نسترجع الذكريات ولاكن الا يام لاترجع وتقبل مروري

يسلمو ع الموضوع الرائع

تقبلي مروري رنوووده

معلش بالغلط رنووده بسمه

يسلمو ع المرور معاند وبسمه